Чулман

31 август - җәйнең соңгы, атнаның беренче көне 🏗 “Түбән Кама шин” заводы – ил тарихының бер өлеше. Узган гасырның ил индустриясен күтәрү елларында сафка баса. Ул чорда завод-фабрикалар, яңа шәһәрләр төзелә. Бу – тулы бер буынның хезмәт каһарманлыгы. Чорлар алмашы: Совет чоры, 90нчы еллардагы икътисади торгынлык, яңарыш еллары. Завод һәрвакыт эшләде, алга атлады, һәм ул бүген дә үсештә. Яшәешнең төрле этаплары: НКШ – шинчылар буыннары бердәмлеге. Ул – гаиләләр династиясе, кешеләр язмышы белән үрелгән тарих. Шина комплексы заводы дигәндә, күз алдына җитештерү процессы, әзер продукция генә түгел, ә аның хезмәтенә, коллективына, Ватанына тугры кешеләре күз алдына килеп баса. КАМА TYRES – республика горурлыгы!

«Халыкны халык иткән, дөньяга таныткан сыйфат - аның күңел байлыгы, теле, сәнгате». (Гариф АХУНОВ) Туган телебезне, халкыбыз бай мирасының бер мыскалын да югалтмый, чәчми-түкми саклыйк, киләчәк буынга тапшырыйк. 🩵Йөрәк ишеткән сүзләр

Гөлшат Зәйнәшева Туган җирем — Татарстан Идел ярларына нурлар сибеп Матур булып ата бездә таң. Таң шикелле якты Туган илем, Бәхет биргән җирем — Татарстан. Кая гына китеп, Кайларга бармадым, Сагынып кайттым Иделем таңнарын. Биш диңгезгә карап елмайгандай, Балкый безнең Казан ерактан. Коры җирне шаулы диңгез итә Хезмәт сөйгән халкың, Татарстан. Күпме җырлар җырлый халкым бүген, Туган җирем, синең турында. Мин бәхетле сине сөюемне Әйтә алсам шушы җырымда.

«Интертат» Республика көнендә Татарстан тарихының төп чорлары турында махсус проект тәкъдим итә. Проект визуаль һәм тавышлы бизәлеш белән мультимедиа музее форматында эшләнгән. Аны ачып, республикада яшәүче халыклар, 1990 еллардан башлап төбәк тарихы, дәүләт символикасы турында белә, фотохроника карый аласыз. «Без редакциягә бу яңа форматны кертеп җибәрергә һәм аны гадәткә әйләндерергә телибез. Республика көненә махсус проект – тәҗрибә, үзебез булдырырга теләгән заманча мультимедиа редакциясенең мөмкинлекләрен сынап карау. Бу массакүләм мәгълүмат чаралары өчен яңа формат түгел, ул «баннерная слепота» дигән күренешне җиңәргә булыша, тик бу татар телле журналистика өчен яңалык», – дип сөйләде махсус проект турында «Интертат» басмасы баш мөхәррире Рөстәм Гәрәев. Махсус проектны сылтама аша карарга була. Интертат МАХта